Related Posts
Category : National
ભારતીય રેલવેએ આજથી શરૂ કરી નવી સુવિધા, ટ્રેનમાં મુસાફરી કરતા લોકોએ જાણવું જરૂરી
ટ્રેનમા મુસાફરી કરનારા લોકો માટે ખુબ કામના સમાચાર છે. આપણે જોઈએ છે કે ટ્રેનમાં મુસાફરી કરતા લોકો ભારે ભરખમ સામાન સાથે મુસાફરી કરતા હોય છે. આવામાં અન્ય મુસાફરોને પણ ક્યારેક વધુ પડતા સામાનના કારણે તકલીફ પડે છે. પરંતુ રેલવેના નવા નિયમ મુજબ હવે આવું બની શકશે નહીં. મુસાફરોની સુવિધાઓને ધ્યાનમાં લેતા ભારતીય રેલવે આજથી એક નવી સેવા ચાલુ કરી રહી છે. રેલવેએ કન્ફર્મ ટિકિટવાળા મુસાફરો માટે પર્સનલ લગેજ માટેની ઓનલાઈન બુકિંગ સેવાને આજથી એટલે કે 31 જુલાઈથી શરૂ કરવાનો નિર્ણય લીધો છે.
રેલવેના આ નિર્ણયનો હેતુ પાર્સલ બુકિંગની પ્રોસેસને સરળ કરવાનો અને સ્ટેશન પર થનારી ભાગદોડથી બચવાનો છે. રેલવે બોર્ડ તરફતી આ અંગે તમામ ઝોનલ રેલવેને પત્ર મોકલી દેવાયો છે. ઈન્ડિયન એક્સપ્રેસમાં પ્રકાશિત એક અહેવાલ મુજબ રેલવે બોર્ડે પત્ર મોકલીને નિર્દેશ આપ્યો છે કે કન્ફર્મ ટિકિટવાળા મુસાફરોને નિર્ધારિત વજન મર્યાદા સુધી ઓનલાઈન લગેજ બુક કરવાની સુવિધા તરત આપવામાં આવે. આ સેવા દ્વારા મુસાફરો પોતાની સાથે રિઝર્વ્ડ કમ્પાર્ટમેન્ટમાં લઈ જવામાં આવતા સામાનનું બુકિંગ અગાઉથી ઓનલાઈન કરી શકશે. રેલવે બોર્ડથી સ્પષ્ટ કરાયું કે માર્ચ 2025માં લેવાયેલા આ નિર્ણયના આધારે આ ડિજિટલ સિસ્ટમને 31 જુલાઈથી લાગૂ કરવાનો નિર્ણય લેવાયો છે.
Load more
